Vald forseta sem handhafa framkvæmdarvalds

Útdráttur

Samkvæmt 2. gr. stjórnarskrárinnar, sbr. stjórnarskipunarlög nr. 33/1944, fara forseti og önnur stjórnarvöld samkvæmt stjórnarskránni og öðrum landslögum með framkvæmdarvaldið. Í sama stjórnarskrárákvæði er mælt fyrir um að Alþingi og forseti Íslands fari saman með löggjafarvaldið. Viðfangsefni mitt hér er að fjalla um fyrrnefndan þátt í störfum forsetans, vald hans sem handhafa framkvæmdarvalds en minna hefur verið rætt um þann þátt starfa forsetans en störf hans sem handhafa löggjafarvaldsins.